Almaty oblysynda qatań rejımdegi kolonııaǵa jetkizilgen shujyqtan 24 SIM-karta tabyldy, – dep habarlaıdy Egemen.Kz Polisia.kz. saıtyna silteme jasap.
Sottalǵan azamattardyń biriniń aǵasy túzeý mekemesinde paıdalanýǵa tyıym salynǵan zattardy shujyqqa tyǵyp, mekeme aýmaǵyna ótkizbek boldy.
Alaıda, Almaty oblysy boıynsha QAJD LA-155/12 mekemesi qyzmetkerleriniń qyraǵylyǵynyń nátıjesinde Ulttyq ulannyń áskerı qyzmetshilerimen birlesip, sottalǵandarǵa banderol berý jáne tekserý bólmesinde shujyq ónimderiniń ishinen Tele-2 baılanys operatorynyń 24 dana SIM-kartasy tabyldy jáne tárkilendi.
Qazirgi ýaqytta bul fakt boıynsha jınaqtalǵan qujattar Qapshaǵaı qalasynyń Polısııa basqarmasyna tapsyryldy.
– Eskertýlerge qaramastan, sottalǵan azamattardyń týystary men ózge de adamdar belgilengen talaptardy buzýdy jalǵastyrýda jáne túzeý mekemesinde ustalatyn sottalǵandarǵa tyıym salynǵan zattardy ótkizýge talpyný boıynsha áreketterin qaıtalaýda, – dep atap ótti Almaty oblysy boıynsha QAJD bastyǵynyń orynbasary Jánibek Qosjanov.