Bıyl «Nurly jer» baǵdarlamasy aıasynda turǵyn úı qurylysyna 7 mlrd teńge qarjy bólindi. Bul týraly óńirlik kommýnıkasııalar qyzmetinde ótken brıfıngte oblystyq qurylys, sáýlet jáne qala qurylysy basqarmasy basshysynyń orynbasary Arnur Nurmaǵanbetov málimdedi.
Jyl ishinde 2172 páterlik 98 turǵyn úıdiń qurylysy salynady. Halyqtyń áleýmettik osal toptary men kóp balaly otbasylar úshin 342 páter satyp alynady. Oǵan bıýdjetten 2,9 mlrd teńge bólindi. Baspananyń 192-si qala, qalǵany aýdan turǵyndaryna beriledi. Jalǵa beriletin 95 turǵyn úı salý josparlanýda.
- Jumyspen qamtý 2020-2021 jyldarǵa arnalǵan jol kartasy aıasynda 75 páterli 41 turǵyn úıdiń qurylysy júrgiziledi. Kredıttik turǵyn úıler boıynsha barlyǵy 665 páterdi quraıtyn 38, jeke qarajat esebinen 220 páterdi quraıtyn 6 turǵyn úıdiń qurylysy salynady. Jalpy oblysta bıyl 644,7 myń sharshy metr kóleminde turǵyn úı paıdalanýǵa berý josparlanyp otyr, - dedi basqarma basshysynyń orynbasary.