Eks-mınıstr Eljan Birtanovtyń qamaýdaǵy merzimi 2021 jyldyń 28 aqpanyna deıin uzartyldy. Bul týraly onyń advokaty Dmıtrıı Kýrıachenko málimdedi, dep habarlaıdy Egemen.kz.
«Nur-Sultan qalasynyń tergeý soty Eljan Birtanovtyń úı qamaýyn tórt aıǵa deıin uzartty. Endi ol aqpan aıynyń sońyna deıin úı qamaýynda bolady. Qorǵaýshy retinde men onymen úıde únemi kezdesip turamyn. Ol ózin kinálimin dep otyrǵan joq», dedi D. Kýrıachenko.
Eske sala keteıik, Eljan Birtanov 2020 jyly 25 maýsymda Densaýlyq saqtaý mınıstri qyzmetinen bosatyldy. Keıinirek ol 3 qarashada asa iri kólemde bıýdjet qarajatyn jymqyrdy degen aıyppen ustaldy.