Twitter AQSh-taǵy Qytaı Elshiliginiń resmı akkaýntyn buǵattap tastady. Buǵan sebep elshiliktiń uıǵyrlar týraly jarııalanǵan jazbasy bolyp otyr, dep habarlaıdy Egemen.kz
Jazbada elshilik Beıjińniń Shyńjańdaǵy saıasatyn qorǵap, bul aımaqta uıǵyr áıelderin májbúrlep zararsyzdandyrý júrgizilip jatyr degen aıyptardy joqqa shyǵarǵan edi.
Uıǵyr áıelderiniń budan bylaı «bala kóterý mashınalary» emes ekendigi týraly habarlama 7 qańtarda jarııalandy, biraq bir kúnnen keıin Twitter habarlamany joıyp, «bul tvıt endi qol jetimdi emes» degen qoltańbamen almastyrdy.
Agenttik Twitter akkaýnt ıesinen kirýdi qalpyna keltirý úshin uqsas habarlamany qolmen joıýdy talap etetinin aıtady.
«Biz bul Tvıtterde adamgershilikke qarsy saıasatymyzdy buzǵany úshin osy áreketti jasadyq», dedi Twitter ókili. Ol AQSh-taǵy QHR elshiliginiń akkaýnty áli de buǵatta turǵanyn atap ótti.