Balqashtaǵy óli balyqtar týraly taraǵan vıdeo jeli qoldanýshylarynyń narazylyǵyn týdyrdy, dep habarlaıdy Egemen.kz.
«Bizdiń balyqshylar balyq aýlaıdy. Keshe olar torlardy tekserdi. Al biz qashan qarmaqqa túsiremiz dep balyqtardyń óskenin kútip júremiz. Bulaı bola berse, olar eshqashan óspeıdi. Bizdiń balyq ınspeksııamyz qaıda?» deıdi vıdeodaǵy er adam.
Osy oraıda Ekologııa, geologııa jáne tabıǵı resýrstar mınıstrliginiń ókilderi brakonerler Balqashtan 119 keli balyq alýǵa tyrysqanyn aıtty.
«Balqash kólinde jedel reıdtik is-sharalar ótkizý kezinde Almaty oblystyq orman sharýashylyǵy jáne janýarlar dúnıesi aýmaqtyq ınspeksııasynyń qyzmetkerleri Balqash aýdany Quıǵan aýyly men Almaty oblysy Talǵar aýdany Talǵar qalasynyń eki turǵyny Nissan jáne Volga 3110 markaly kólik júrgizýshilerin ustady», dedi mınıstrlik ókilderi.
Olardyń aıtýynsha, balyq resýrstaryna aldyn ala keltirilgen shyǵyn 225 myń teńge. Alynǵan balyq sot sheshimi shyqqanǵa deıin saqtaýǵa tapsyrylǵan-dy.