Kedergilerdi joıý – keleli másele

Atap aıtar bolsaq, Mem­leket basshy­sy kedergilerdi joıý máselesin nazarǵa aldy. Bul suraq jalpy, odaq qu­rylǵan kezden bas­­tap ózekti­ligin joǵaltpaǵan edi. Ondaı bóge­­s­inder legıtımdi emes te­jeýish sanala­dy. Qandaı da bir úrdiske kedergi kel­tireri sózsiz. Soǵan qaramastan, bul másele qaıta-qaıta týyndap otyr. Sondyq­tan kedergilerdi joıýǵa basa mán berý Qazaq­stannyń da múddesine saı keledi.

Prezıdent Úndeýinde bári­nen buryn odaqqa múshe elder­diń óndiristik kooperasııasy aldyńǵy orynǵa shyǵarylǵan. Bul Qazaqstan EAEO-dan tıimdilik kútetinin kórsetedi. О́ndiris salasynda tyǵyz baılanys pen seriktestikti qam­ta­masyz etý – Qazaqstan úshin ekono­mı­ka­nyń qaıta óndeý salasyn, joǵary teh­nologııalyq óndiristerdi damytý jolynda óte mańyzdy. 

Sonymen qatar odaqqa múshe elderdiń kólik-logıstıkalyq áleýetin odan ári damytý qa­jet­tigi de atalyp ótti. Qazirgi tań­da Qytaı syndy álemniń iri fabrıkasy óniminiń kóp bóligi jóneltiletin Eýropa úshin Qazaq­stan men Reseı negizgi magıs­traldy jol bolyp sanalady. Osy oraıda tranzıttik aǵyn­dy retteý mańyzǵa ıe.

Prezıdent óz Úndeýinde osyndaı ózekti má­se­lelerdi jol­ǵa qoıý úshin EAEO-nyń bar múmkindigin qoldaný kerek­tigin atap kórsetti. Sonymen bir­ge atal­ǵan odaqtyń basqa da aımaqtyq, Eýro­pa odaǵy sııaqty halyqaralyq uıym­­dar­men seriktestigin damytýdyń mańyz­dylyǵyna toqtaldy. Bul – áýelden aı­tylyp kele jat­qan usynys. Keń aýqym­dy ın­tegrasııanyń jolǵa qoıylýyna 2013 jyldan beri saıası ke­der­giler bógesin bolǵany belgili. Qa­zaqstannyń tór­aǵalyǵy ar­qy­ly osy mańyzdy másele oń she­shi­min tabady degen senim bar.

Vıacheslav DODONOV,

Prezıdent janyndaǵy Qazaqstan strategııalyq zertteýler ınstıtýtynyń bas ǵylymı qyzmetkeri, ekonomıka ǵylymdarynyń doktory