Petropavl turǵyny ınternet arqyly avtokólik satyp almaq bolyp, 500 myń teńgesinen qaǵyldy, dep habarlaıdy Egemen.kz
Soltústik Qazaqstan oblysy Polısııa departamenti baspasóz qyzmetiniń málimetinshe, Petropavldyń 40 jastaǵy turǵyny ınternet arqyly «Hyundai Sonata» avtokóligin satyp almaq bolady. Satýshynyń usynysymen aldyn ala 500 myń teńge tólem jasaıdy. Aqsha qolyna túsisimen-aq alaıaq baılanysqa shyqpaı qoıǵan.
Zardar shegýshiniń aıtýynsha, «satýshy» oǵan basqa satyp alýshynyń paıda bolǵanyn aıtqan. Psıhologııalyq tásildi qoldanyp, áıeliniń emine shuǵyl qarajat qajettigin jetkizgen, sol úshin aldyn ala tólem jasaýdy suraǵan.
Atalǵan fakti «Alaıaqtyq» baby boıynsha Sotqa deıingi tergep-tekserýdiń biryńǵaı tizilimine engizildi, jedel-izdestirý is-sharalary júrgizilip jatyr.
«Internet arqyly saýda jasaǵan kezde satylatyn zatty vıdeoǵa túsirýdi suraǵan jón. Tekserý úshin naqty bir bólshekterdi kórsetýdi suraý qajet. Satýshy kúmán týdyratyn bolsa, aldyn ala tólem jasaýǵa kelispeý kerek», - deıdi Petropavl qalalyq PB ekinshi polısııa bóliminiń bastyǵy Rýslan Syzdyqov.
Jalpy 2020 jyly SQO-da 495 ınternet-alaıaqtyq tirkeldi, onyń 171-i aldyn ala tólemdi talap etýmen baılanysty bolǵan.
Aıda ORALBEK