Qostanaı oblysyndaǵy qarjy polısııasynyń qyzmetkerleri «Jeldorkompanııa» JShS laýazymdy tulǵalaryna qatysty qylmystyq is qozǵady. Bul týraly «24 kz» habarlady.
Kúdiktiler Reseıdiń Brıansk oblysyna 1 620 000 dollardy quraıtyn qos teplovozdy zańsyz jibermekshi bolǵan. Ol úshin jalǵan qujattar daıyndap, teplovozdardyń zaýyttyq nomerlerin ózgertken. Bul tehnıkalar qarjylyq lızıng kelisimi boıynsha alynǵan eken. Qazir quqyq qorǵaý qyzmetkerleri osy oqıǵaǵa baılanysty tergeý amaldaryn júrgizýde. Al olar ázirge aıypkerlerdiń esimin ashyq jarııalamaı otyr. Sondyqtan biz bul istiń qorytyndysyn qosymsha habarlaıtyn bolamyz.
Baqytbek Keneshuly.
Derekkóz: «24 kz»