«Qasym han» kópserııaly tarıhı telehıkaıa túsirý kezinde 30 mıllıon teńgege jýyq aqsha urlanǵan. Almaty boıynsha ETD «Qazaqfılm» AQ-tyń «Qasym han» kınojobasy» fılıalynyń dırektory K.S. Ahmetovke jáne basqa tulǵalarǵa qatysty sotqa deıingi tergeýdi aıaqtady, - dep habarlaıdy Egemen.kz Qarjy mınıstrliginiń qarjy monıtorıngi komıtetiniń baspasóz qyzmetine silteme jasap.
«Tergeý barysynda qyzmettik jaǵdaıyn paıdalana otyryp, «Qasym han» tarıhı serıalynyń túsiriliminde qoldaný úshin pırotehnıka satyp alýǵa bólingen 29,9 mıllıon teńge somasyndaǵy bıýdjet qarajatynyń urlanǵany dáleldendi. «Qazaqfılm» AQ-qa keltirilgen zalal sotqa deıingi tergep-tekserý kezeńinde tolyq kólemde óteldi», delingen habarlamada.
Sot aıyptalýshylardy QR QK 189-baby 3-bóligi 1,2-tarmaqtary boıynsha kináli dep tanylyp, «Qasym han» kınojobasynyń» burynǵy dırektoryn eki jylǵa bas bostandyǵynan aıyrý, al iske qatysy bar eki qyzmetkerge úsh jylǵa deıingi merzimde bostandyǵyn shekteý, 100 saǵatqa májbúrli eńbekke tartý jazasy taǵaıyndaldy.