Oblystyq tótenshe jaǵdaı departamentiniń málimetinshe, óńirde sońǵy bir aıdyń ishinde 82 órt tirkelip, saldarynan 6 adam qaza tapqan. Qańtar bastalǵaly, ásirese, jeke turǵyn úılerdiń órtenýi jıilep ketken, dep habarlaıdy Egemen.kz
TJD bastyǵynyń orynbasary A.Orymbaevtyń aıtýynsha, qaıǵyly oqıǵalardyń kóbi turǵyndardyń alańǵasarlyǵy men qaýipsizdik sharalaryna nemquraıly qaraýynyń nátıjesinde oryn alyp otyr.
«Kóp jaǵdaıda halyqtyń áleýmettik osal toptaryna jatatyn turǵyndar jáne ishimdikke salynǵan azamattar qaza tabady. Turǵyn úı sektorynyń jıi órtenýine otty abaısyz paıdalaný, pesh ornatý jáne ot jaǵý barysynda, sondaı-aq elektr jabdyqtaryn montajdaý jáne ony paıdalaný kezinde qaýipsizdik sharalarynyń saqtalmaýy sebep bolyp otyr. О́kinishke qaraı, órt baqylaý qyzmetkerleriniń turǵyn úı sektoryn tekserýge ókilettigi joq», dedi Azamat Orymbaev.