Damý basymdyqtary aıqyndaldy

Qazaqstan men búkil álem úshin 2020 jyl ekonomıkalyq jáne áleýmettik damýdyń kúrdeli kezeńine aınaldy. Dúnıejúzilik banktiń baǵalaýy boıynsha 2020 jyly álemdik IJО́ shamamen 4,3 paıyzǵa tómendedi. Qazaqstanda ótken jyly IJО́ 2,6 paıyzǵa qys­qardy. Sonymen qatar qazaq­standyq IJО́-niń jartysy­nan astamyn quraıtyn qyzmet kór­setý salasy halyq tabysynyń tó­men­deýi men tutynýshylyq sura­nys­tyń álsireýinen 5,6 paıyzǵa azaıdy.

Prezıdent Qasym-Jomart Toqaevtyń tóraǵalyǵymen ótken Úkimettiń keńeıtilgen otyrysynda ulttyq ekonomıka úshin asa mańyzdy máseleler qaralyp, 2021 jylǵy damý basymdyqtary belgilendi.

Memleket basshysy elimizdiń aýmaqtyq damýyna erekshe nazar aýdardy. Atap aıtqanda, elimizdiń kóptegen óńirlerinde sapaly ınfraqurylymmen qamtamasyz etý áli de ózekti máselelerdiń biri bolyp otyr. Pandemııa sal­darynan bolǵan daǵdarys kezin­de bıznesti qoldaý men ju­mys oryndaryn saqtap qalý da asa mańyzdy. Sonymen qatar oty­rysta Memleket basshysy jeke kásipkerlerdi qoldaýǵa baǵyt­talǵan sharalardyń biri retinde onlaın kassalyq apparattar men POS-termınaldar qoldanǵan bıznes ókilderin salyq týraly esepti usynýdan bosatýdy usyndy. 

Odan bólek turaqty aqpa­rat­tyq-kommýnıkasııalyq ınfra­qurylym qurý da kún tárti­binde ekeni belgili. Statıstıka de­rek­teri boıynsha joǵary jyl­dam­dyqty ınternetke qosylý deń­geıi turaqty ósý dınamıkasyn kór­setip otyr: 2015 jylǵy 66,2 paıyz­dan 2019 jyly 86,8 paıyzǵa de­ıin. Sonymen qatar ınternetke qol­jetimdilik áli de kóńil kón­­shit­­peıdi. Bul óz kezeginde aýyl tur­­ǵyndarynyń sıfr­ly tehno­lo­­gııa­lardy qoldaný kezinde qıyn­­dyqtarǵa tap bolyp, óz múm­kin­­­dikterin toly­ǵymen qoldana al­maýyna ákeldi. Adam kapıtalynyń damýy da mem­­leket nazarynan tys qal­maı­dy. Úkimet otyrysynda kúr­deli kezeńdegi basym ba­ǵyt­tar men aldaǵy jos­par naq­tylana tústi.

Anna ALShANSKAIа,

Prezıdent janyndaǵy Qazaqstan strategııalyq zertteýler ınstıtýtynyń aǵa ǵylymı qyzmetkeri