Shymkentte polıseıler jigitti sýısıdten qutqardy, dep habarlaıdy Egemen.kz Polisia.kz saıtyna silteme jasap.
28 qańtarda saǵat 19:00 shamasynda Arǵynbekov pen Qazıev kósheleriniń qıylysynda kezekshilikte turǵan Shymkent qalasynyń polısııa departamenti patrýldik polısııa polkiniń 7-rota №942-shi avtoekıpajynyń qyzmetkerlerine azamattar kelip, Dendroparkta óz ózine qol jumsamaqshy dostaryn izdep júrgenderin habarlady. Habarlama boıynsha Patrýldik polısııa polkiniń eki avtoekıpajy saıabaqqa kelip, búkil aýmaqty jedel aralaı bastady. Polısııa qyzmetkerleri jigitti besedkanyń janynan taýyp, onymen sóılese bastaǵan.
Tártip saqshylary jigitke barynsha jaqyndaǵan kezde, ol besedkanyń qorshaýyna kóterilip, moınyna jip ilip, sekiredi. Jedel qımyldaǵan polısııa qyzmetkerleri Alıbek Asylbekov, Turar Moldahojaev, Muhıt Ýteýlıev jáne Eskendir Abdýkarımov ony kóterip, jipti úzip, tómen túsiredi. Azamat aýrýhanaǵa jetkizildi. Tekserý barysynda jigittiń bul qadamǵa barýyna qyzymen janjaldasýy sebep bolǵany anyqtaldy.