Búgin oblys ákimi Gúlshara Ábdiqalyqova qalalyq №3 emhanada «COVID-19» ınfeksııasyna qarsy «Spýtnık V» reseılik vaksınasyn saldyrdy. Elimiz boıynsha 1 aqpan kúni erikti túrde koronavırýsqa qarsy vaksınalaý jumystary bastaldy, dep habarlaıdy Egemen.kz
– Men búgin erikti túrde ózime ekpe ektirdim. Dáriger mamandar ekpeden keıin ıne salynǵan orynǵa sý tıgizbeýge jáne egý ornyn jyly ustaýǵa keńes berdi. Mamandar keńesine sáıkes áreket etetin bolamyn. Myna álemdi jaılaǵan indettiń taralý qaýpin tek ekpe saldyrý arqyly ǵana tómendete alamyz! Sol sebepti barsha halyqty koronavırýstan qorǵaný úshin ekpe saldyrýǵa shaqyramyn! – dedi oblys ákimi Gúlshara Ábdiqalyqova.
Egý jumystary I kezeńde medısına salasynyń qyzmetkerlerine, onyń ishinde qabyldaý, juqpaly aýrýlar bóliminiń, jansaqtaý jáne hırýrgııalyq bólim qyzmetkerlerine júrgizilmek. II kezeńde muǵalimderge jáne juqtyrý qaýpi neǵurlym joǵary bolyp sanalatyn jumys oryndarynyń qyzmetkerlerine salynatyn bolady.
Qyzylorda oblysynyń halqyna alǵashqy kezeńde 80 000 doza vaksına salynady dep kútilýde.
Búgin óńirimizge «Spýtnık V» reseılik vaksınasynyń 1000 dozasy jetkizildi. Qalǵany kezeń-kezeńimen keletin bolady. Bul jumystarǵa alǵashqyda №1, №3 jáne №6 qalalyq emhanalardan 3 egý kabınetteri daıyndaldy jáne ekpe jumystaryn júrgizýge oblys boıynsha barlyǵy 133 meıirbıke, 89 dýbler tartylǵan.