Karantın kezindegi jaýyngerlik daıarlyq

Sonymen qatar COVID-19 indetiniń ári qaraı taralýyn joıý jóninde sharalar qabyl­danýda. Qarýly Kúshter­de syr­qat­tanýdyń ósýi tómende­geni baıqalady. Qor­ǵanys mı­nıstri, general-leıtenant Nur­lan Er­mekbaev qor­ǵanys vedomstvosynda ótken apparat keńesinde Qarýly Kúsh­­ter­degi epıdemııaǵa qar­sy ahýal­ týraly Bas áskerı-me­dısı­na­lyq basqarmanyń aq­paratyn  tyńdady.

Sońǵy jeti táýlikte áske­rı qyzmetshiler arasynda COVID-19 vırýsyn juqtyrý jaǵdaıy ótken aptaǵa qaraǵanda 16%-ǵa tómendedi. Qarýly Kúshterdiń eki PTR-zerthanasy bazasynda 800-den astam dıagnostıkalyq zertteý júrgizildi. Aqtaý men Semeıde taǵy eki jańa me­dı­­sınalyq zerthana keshe­nin óristetý boıynsha sharalar qa­byldandy, olardy paıda­lanýǵa berý úshin qajetti qu­jat­tar resimdeledi. «Qyzyl aı­maq­taǵy» jeke quramnyń keminde 80 paıyzy qashyqtyqtan jumys isteý túrine aýystyrylatyn bolady, buqaralyq is-sharalar men toptyq sabaqtar ótkizýge tyıym salynady. Kelisimshart qyzmetiniń áskerı qyzmetshileri úshin mamandyq boıynsha oqy­tý baǵdarlamalary jáne úı jaǵ­daıynda oryndaýǵa arnalǵan dene jattyǵýlarynyń kesheni ázirlendi. Karantınnen shyǵý boıynsha áskerı qyzmet­shi­lerdiń dene daıarlyǵy deń­geıin jáne oqý materıalyn meń­ge­rý sapasyn tekserý uıym­das­tyrylady.

Qorǵanys vedomstvosynyń basshysy Qarýly Kúshter men áskerı bólimshelerdiń basshy­ly­ǵyna karantın rejimin saq­taý máselelerin erekshe ba­qy­laýda ustaýdy, sondaı-aq taıaý­daǵy toqsan ishinde eldegi epıde­mııalyq ahýaldyń kúrt shıelenisýine jedel jáne barabar den qoıýdy tapsyrdy.

Qorǵanys mınıstrliginde ótken apparattyq keńesinde qys­qy jaǵdaı men korona­vı­rýstyń taralýy jaýyngerlik daıarlyqtyń josparlanǵan is-sharalaryn iske asyrý qa­jet­tiligin joımaıtynyn, sony­men qatar onyń barysy udaıy nazarǵa alynatynyn atap ótti. Qazirgi ýaqytta bazalyq áskerı býyn – bólimshelerdi daıar­laý naqty atys mindetterin sheshý men ártúrli urys túr­le­rin­degi is-qımyldar kezin­de ózara is-qımyldyń úıle­sim­diligin jetildirýge, bólim­sheler komandırlerin óz ba­ǵy­­nys­tylaryn basqarýǵa úı­re­týge, jeke quramnyń dala­lyq daǵdysyn jetildirýge baǵyt­talǵan.

Áskerı atys alańdary men oqý-taktıkalyq polıgondarda aǵymdaǵy daıyndyqtyń sońǵy kezeńinde dástúr boıynsha oqytýda paıdalanylatyn qarý-jaraqtyń barlyq túrlerinen jaýyngerlik atys ótedi. Bul rette atystardyń kem degende 30%-yn ótkizý táýliktiń túngi ýaqytynda josparlanǵan.

Qubylmaly áskerı-taktı­kalyq jaǵdaılardy eskere oty­ryp, Qorǵanys mınıstri for­tıfıkasııalyq qurylystar men ınjenerlik pozısııalardy jab­dyqtaý, ushqyshsyz ushý appa­rattaryna qarsy is-qımyl elementteri boıynsha sabaqtar ótkizý qajettigin atap ótti. Bul rette Nurlan Ermekbaev bar­lyq deńgeıdegi komandalyq quramnyń nazaryn jattyǵýlar ótkizý kezinde qaýipsizdik sharalaryn saqtaýǵa aýdardy. «Dala sabaqtarynda jeke quramnyń sýyq tıgizip alýy men úsik shalý oqıǵalaryn boldyrmaý jaıly sharalar qabyldaý qajet. Jylyný pýnktterin ashyp, áskerı qyzmetshilerdi jyly kıim-keshekpen jáne ystyq tamaqpen qamtamasyz etý kerek», dedi ol.