Búgin oblys ákimi Arhımed Muhambetov koronovırýske qarsy kúres jónindegi jedel shtabtyń kezekti otyrysyn ótkizdi. Jıyn barysynda polısııa departamenti bastyǵy, Lısakov qalasy men Qostanaı aýdanynyń ákimderi óńirdiń epıdemııalyq jaǵdaıy týraly esep berdi.
Jedel shtab oblys aýmaǵynda 8-aqpannan bastap mynadaı jeńildikterdi engizý týraly sheshim qabyldady:
Qoǵamdyq tamaqtaný nysandary jumys kúnderi jáne senbi kúnderi saǵat 8-00-den 23-00-ge deıin qyzmet kórsetetin bolady; SPA ortalyqtary, monshalar, saýnalar, jabyq sport ǵımarattary men fıtnes-ortalyqtar jumys kúnderi men senbi kúnderi 9-00-den 22-00-ge deıin jumys isteıdi; Azyq-túlik jáne ózge de taýarlardy satatyn jabyq bazarlar jumys kúnderi jáne senbi kúnderi saǵat 10-00-den 19-00-ge deıin jumys isteıdi; 4. Aýmaǵy 2000 sharshy metrden asatyn saýda jáne oıyn-saýyq ortalyqtary jumys kúnderi men senbi kúnderi saǵat 10-00-den 22-00-ge deıin jumys isteıdi; Dinı nysandardyń jumys isteýine ruqsat beriledi. Biraq bul nysandarda buqaralyq is-sharalar uıymdastyrylmaıdy; Qalalyq qoǵamdyq kólikter jumys kúnderi jáne senbi kúnderi saǵat 06-00-den 23-00-ge deıin júredi.
Qostanaı oblysy