Búgin Qyzylorda qalasynyń ákimi Nurlybek Nálibaev Tasbóget jáne Belkól kentiniń turǵyndaryna onlaın formatta esep berdi. Eseptik kezdesýde shahar basshysy qalanyń jáne kentterdiń ótken jylǵy áleýmettik-ekonomıkalyq damý kórsetkishteri men jyl kóleminde qol jetkizgen jetistikterine toqtaldy, dep habarlaıdy Egemen.kz.
О́tken jyly 17,5 shaqyrym bolatyn 15 kóshege malta tas tóselip, 3,6 shaqyrymǵa sozylǵan 3 kóshege kúrdeli jóndeý jumystary júrgizilgen Tasbógette budan bólek 5 kóshe jaryqtandyrylyp, sporttyq jattyǵý jáne strıtbol alańy salyndy. Kentke qarasty Sabalaq saıajaıynda aýyz sý jelisiniń ekinshi kezeńin júrgizýge, 17,6 shaqyrym elektr jelisin tartýǵa qarjy qaraldy.
Al, Belkól kentinde 2020 jyly 6 kóshege ortasha jóndeý júrgizilip, kvartalaralyq jylý júıeleri jańǵyrtyldy, «Balapan» balabaqshasy kúrdeli jóndeýden ótip, Zelenaıa kóshesiniń 1,6 shaqyrymyna túngi jaryq shamdary ornatyldy. Kentke qaraıtyn Birqazan eldi-mekeniniń kire-beris joly jóndelip, aýylda balalar oıyn alańy salyndy.
Eseptik kezdesýde sóz alǵan kent turǵyndary atqarylǵan jumystarǵa oń baǵa berip, bıyl da jumys qarqyndy jalǵassa degen tilekterin jetizdi.
Qala ákimi qos kentte de kezegin kútken máseleler jumys josparyna saı júzege asyralatyndyǵyn aıtyp, bıylǵy jasalatyn biraz isti saralap ótti.
Osy jyly belkóldikterdiń usynys-tilegine oraı temir joldan ótetin aspaly kópirdiń qurylysy aıaqtalyp, turǵyndardyń ıgiligine beriledi. Qala irgesindegi kentte turatyndar temir joldyń arǵy beti atalyp ketken aýmaqtaǵy aýyz sý jaıyn da kóterdi. Bul saýalǵa qala ákimi sol adandaǵy 200-ge tarta turǵyn úıdi aýyz sýmen qamtý josparǵa engendigin aıtyp, jyl sońyna deıin másele tolyǵymen óz sheshimin tabatyndyǵyn aıtty.
Al sońǵy jyldary qomaqty qarjy qaralǵan Tasbógette bıyl da joldardy jóndeý men kóshelerdi jaryqtandyrý basty nazarda bolmaq.