Qostanaı oblysynda sýbsıdııaǵa bólingen jarty mıllıard teńgege jýyq qarajat jymqyrylǵany anyqtaldy, dep habarlaıdy Egemen.kz
Qarjylyq monıtorıng agenttigi kezekti qylmystyń betin ashty. Bul joly bir top laýazymdy tulǵa asa iri mólsherde memlekettik baǵdarlama aqshasyn urlady degen kúdikpen isti boldy. Olarǵa sharýa qojalyqtaryna kún energııasyn paıdalana otyryp, uńǵymalardan sý kóterýge arnalǵan jabdyq satyp alýǵa bólingen 484 mln teńgeni qaltaǵa basty degen aıyp taǵyldy. Kúdiktilerge qatysty qozǵalǵan qylmystyq is sotta qaralýda.