Almaty oblysynyń Besqaınar aýylynyń 28 jastaǵy turǵyny eresek arystandy baǵyp kelgen, dep habarlaıdy Egemen.kz
Sharýa qojalyqtarynyń birinen tabylǵan arystannyń jaǵdaıy turaqty. Endi jabaıy ańǵa jańa úı kerek ekeni anyqtaldy.
Bul málimetti Ekologııa mınıstrliginiń baspasóz hatshysy Samal Ibraeva da rastady. Onyń aıtýynsha, quzyrly mekeme «ań patshasyn» ornalastyratyn oryn izdep jatyr.
Aıta keteıik, keshe áleýmettik jelilerde Almatyǵa jaqyn aýyldardyń birinde arystan qańǵyp júr degen aqparat paıda bolǵan edi. Aqparatty estı sala Orman sharýashylyǵy jáne janýarlar dúnıesi komıtetiniń ınspektorlary oqıǵa ornyna barady. Atalǵan jaıttyń rastyǵyna kóz jetkizgen mamandar tıisti shara qoldanýǵa kóshken.
Aıda ORALBEK