Sybaılas jemqorlyqqa qarsy is-qımyl agenttiginiń «Muqaǵalı Maqataev – máńgilik ǵumyr» taqyrybyndaǵy kezekti adaldyq saǵaty ótti, dep habarlaıdy Egemen.kz
Onlaın dáristiń negizi retinde ádilettilik pen adaldyqqa, patrıotızmge jáne elge degen qurmetten órnektelgen uly aqynnyń shyǵarmalary alyndy. Búgin jyr muzbalaǵy, aqıyq aqyn Muqaǵalı Maqataevtyń týǵanyna 90 jyl (1931–1976) toldy.
Maqataevtyń shyǵarmashylyǵy qazaq poezııasynyń altyn qory bolyp tabylady. HH ǵasyrdyń birinshi jartysynda dúnıege kelgen, rýhy men bar bitimimen halyqtyń qaınar kózin sińirgen daryn óz halqynyń eń súıikti aqyny boldy.
Aqynnyń ózi aıtqandaı «Poezııa – mahabbattan bastalyp, parasatpen aıaqtalýy tıis», osylaısha, ol adamdardy adal, meıirimdi bolýǵa, jas urpaqty Otanǵa degen súıispenshilikte tárbıeleýge, týǵan jeri men ana tilin qasterleýge, úlkenderdi qurmettep, beıbit ýaqyttyń ár sátin baǵalaýǵa shaqyrdy.
Onlaın-dáris barysynda jastar aqynnyń patrıottyq óleńderimen tanysty.Aqyn shyǵarmashylyǵynda Otan men týǵan tabıǵat taqyryby mańyzdy oryn alady. О́z shyǵarmalarynda ol adam Otansyz ómir súre almaıtynyn aıtty. Otansyz adamdy ormansyz qusqa teńedi.
«Adaldyq saǵatynda» Muqaǵalı aqynnyń óleńderi men shyǵarmashylyǵy arqyly patrıotızm men jeke bastyń qadir-qasıeti týraly oılar aıtyldy.
Bul oılardy sanaǵa sińirip ósken kez-kelgen jas bolashaqta adaldyq pen ádilettilik jolymen júretinine kúmán joq.
Muqaǵalı Maqataev qazirgi qazaq poezııasyn jańa kórkemdik deńgeıge kóterdi. Onyń shyǵarmashylyǵy ıdeologııalyq jáne saıası kórinisterden ada, naǵyz lırıkaǵa toly.
Aqynnyń shyǵarmalaryn zertteı otyryp, biz Otandy súıýge jáne qorǵaýǵa, tabıǵatty aıalaýǵa, adamdardy súıýge, analarymyz ben jaqyndarymyzdy baǵalaýdy úırenemiz.