Keshe Qyzylorda qalalyq Polısııa basqarmasyna Atyraý qalasynyń 26 jastaǵy turǵyny aryzdanǵan, dep habarlaıdy Egemen.kz.
Qyzylordaǵa jeke sharýalarymen kelip jaldamaly páter jaldap turǵan atyraýlyq ózine qonaqqa kelgen tanysynyń shkafta ilinip turǵan kúrteshesiniń qaltasynan 1 200 000 teńgesin urlap ketkenin kórsetken.
Jedel-izdestirý nátıjesinde oblys ortalyǵynda turatyn 23 jastaǵy áıel ustaldy. Kúdikti QPB-na jetkizilip, oqıǵanyń mán-jaıy anyqtalýda.
Atalǵan derek boıynsha Qazaqstan Respýblıkasy Qylmystyq kodeksiniń 188-babynyń 1-bóligimen (Urlyq, ıaǵnı bótenniń múlkin jasyryn jymqyrý) sotqa deıingi tergep-tekserý amaldary júrgizilýde.