Qyzylorda qalasynda koronavırýs ınfeksııasyna qarsy egý jumystary 1 aqpanda bastalyp, on kún ishinde 640 adam ekpe saldyrdy. Olardyń 617-i medısınalyq qyzmetker, dep habarlaıdy Egemen.kz.
«Oblys boıynsha medısına uıymdarynda 154 ekpe kabıneti bar. Sonyń ishinde koronavırýstyq ınfeksııaǵa qarsy vaksınalaýǵa 32 ekpe kabıneti men 12 jyljymaly egý brıgadasy daıyndaldy. Osy kezge deıin vaksına saldyrǵandar arasynda shaǵym bolǵan joq. Densaýlyqtary turaqty baqylaýda», dedi oblystyq densaýlyq saqtaý basqarmasynyń basshysy Sábıt Pazylov.
Oblys boıynsha sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova «COVID-19» ınfeksııasyna qarsy ekpe jumystary qaladaǵy №1, №3, №6 emhanalar bazasynda júrgizilip jatqanyn atap ótti.
О́ńirde búgingi kúnge deıin koronavırýs ınfeksııasymen 3666 naýqas tirkelse, sońǵy táýlikte 9 jaǵdaı anyqtalyp otyr. Olardyń 96,5 paıyzy emdelip shyqqan. Qazir ınfeksııalyq stasıonarda 30 naýqas em alýda. Onyń 3-ýi jansaqtaý bóliminde jatyr.