Shymkent qalasynda «Eńbek» memlekettik baǵdarlamasynyń III baǵyty sheńberinde «Jumys berýshilerdi qoldaý bólimi» osy jyldyń qańtar aıynan beri óz jumysyn bastaǵan.
Qalalyq jumyspen qamtý ortalyǵy ishinen ashylǵan arnaıy bólim qaladaǵy memlekettik jáne jekemenshik mekemelerdiń suranysy boıynsha qajetti jumys kúshterin uıymdastyrady.
Bul jerde jumys berýshilerdiń suranysyn (ótinim) qabyldap, ortalyqqa bekitýge joldanady. Suranystar bekitilgennen keıin qaladaǵy 4 aýdannyń jumyspen qamtý bólimderi arqyly ortalyqtandyrylǵan bazaǵa engiziledi.
Qazirgi tańda atalǵan bólim qaladaǵy 800-ge jýyq jumys berýshiniń ótinimin qabyldap, olar boıynsha tıisti jumys júrgizip otyr.
Sonymen qatar, «Enbek.kz» elektrondy portalyndaǵy bos jumys oryndaryna taldaý júrgizip, jumys berýshilerdiń usynysy týraly málimetterdi engizilýin qadaǵalaıdy. Memlekettik mekemelerdegi bos jumys oryndar jóninde aqparat jınaqtalyp, jumys berýshiler tarapynan portalǵa ornalastyrylýyna baqylaý júrgizedi.