Pavlodarda jalǵan qujat daıyndaýmen aınalysqan stýdentter ustaldy, dep habarlaıdy Egemen.kz.
– 2021 jylǵy 10 aqpanda Instagram áleýmettik jelicine monıtorıng júrgizý barysynda @hooligan.market pablıginde QR IIM qyzmetkerleriniń qyzmettik kýálikterin daıyndaý jáne satý týraly beınejazba anyqtaldy. Tekserý barysynda Pavlodar qalasynyń Ortalyq polısııa bóliminiń ýchaskelik polısııa ınspektorlary Pavlodar memlekettik ýnıversıtetiniń eki stýdentin anyqtap, ustady, olar úıde otyryp, qoldan jasalǵan belgileri bar Qazaqstan Respýblıkasy Ishki ister organdary qyzmetkerleriniń qyzmettik kýálikterin zańsyz daıyndaǵan, – dedi Pavlodar oblysy Polısııa departamenti bastyǵynyń orynbasary Rashad О́teýov.
Polısııa qyzmetkerleri jalǵan qujattardy qoldan jasaý, daıyndaý jáne satý faktisi boıynsha Qazaqstan Respýblıkasy QK-niń 385-babynyń 2-bóligi boıynsha sotqa deıingi tergeý bastalǵanyn atap ótti.
Atalǵan tulǵalardan kýálikterdiń qyzyl tústi muqabalary, prosessor men prınter tárkilendi. Saraptama taǵaıyndaldy.