Bilim jáne ǵylym mınıstrliginiń ókilderi Qazaqstannyń joǵary oqý oryndarynda «dene shynyqtyrý» pánin toqtatý týraly aqparatqa qatysty pikir bildirdi, dep habarlaıdy
Áleýmettik jelide elimizdiń joǵary oqý oryndarynda dene shynyqtyrýdan bas tartý máselesi talqylandy. Jeli paıdalanýshylary mundaı sheshimge narazylyqtaryn bildirip jatyr.
Alaıda Bilim jáne ǵylym mınıstrligi «dene shynyqtyrý» pánin Memlekettik jalpyǵa mindetti bilim berý standarttarynan alyp tastaý múmkindigi týraly aqparat shyndyqqa janaspaıtynyn habarlady.
«Búginde mundaı buıryq joq jáne bul másele aıtarlyqtaı talqylanyp jatqan joq. Árıne sarapshylar men muǵalimderdiń árqashan ártúrli usynysy bolady. Qazir ýnıversıtetterde akademııalyq erkindik bar jáne osyndaı máselelerdi ózi sheshedi. Bul suraqqa kez kelgen joǵary oqý ornynyń akademııalyq departamenti jaýap bere alady», dedi Abaı atyndaǵy QazUPÝ KeAQ basqarma tóraǵasynyń mindetin atqarýshy – rektory Takır Balyqbaev.