Qostanaı oblysyndaǵy «Qaıraq» shekara beketinde qyzmet etetin «Zıta» atty áskerı ıt Reseıge esirtki alyp ótpek bolǵan er adamdy ustady.
«QR UQK Shekara qyzmetiniń Qostanaı oblysyndaǵy Departamentine qarasty «Qaıraq» (avtokóliktik) shekaralyq baqylaý bóliminde esirtki zatyn ustaý deregi anyqtaldy. Reseı Federasııasyna jolǵa shyqqan otandasymyzdyń qol júgin tekserý barysynda «Zıta» qyzmettik ıti jolaýshynyń qaltasynda esirtki bar ekenin anyqtady.
Tekserý kezinde Qazaqstan Respýblıkasy azamatynyń qaltasynan ıisi bar, jasyl tústi 5 gramm gashısh esirtki zaty tabyldy» - dep málimdedi QR UQK baspasóz qyzmeti.
Shekarashylar ustalǵan azamatty quzyrly organdarǵa tapsyrǵan. Qazir oǵan qatysty tergeý amaldary júrip jatyr.