Túrkistan qalasyna oryndalatyn áýe reısteriniń sany eki esege azaıdy. Bul týraly búgin oblystyq Jolaýshylar kóligi jáne avtomobıl joldary basqarmasynyń basshysy Rolan Ibragımov málimdedi.
Basqarma basshysynyń sózinshe, qańtar aıynda onnan asa reıs ushpaı qalǵan. Keıbir jolaýshylar bıletterin keri tapsyrǵan. Oǵan óńirdegi aýa raıynyń tumandy bolýy sebep bolǵan kórinedi. Tumandy kún raıynyń kóp bolýynan «Qazaeroǵarysh» mekemesi birqatar reıstiń ushýyna ruqsat etpeı qoıǵan.
Sondaı-aq, bastapqy kezde jańa áýejaıǵa úsh áýe kompanııasy jolaýshy tasymaldasa, qańtar aıynda olardyń ekeýi qyzmet kórsetýden bas tartqan. Qazirgi tańda Túrkistannan tek Nur-Sultan jáne Almaty qalalaryna áýe reısteri oryndalýda. «Qazaq Air» men «Scat» ushaqtary bortynyń tolýy 50 paıyz, 42 paıyzdyń kóleminde. Al, «Fly Arystan»-da 92 paıyz, 100 paıyz tolady. Sol sebepten olar qazir ýaqytsha ushpaı qoıdy. Qazir tek «Fly Arystan» ushyp jatyr», - deıdi R.Ibragımov.