Qazaqstandyq Dmıtrıı Popko Italııadaǵy Bella chellendjer týrnırin sátti bastady. Bul týraly Egemen.kz Qazaqstan tennıs federasııasyna silteme jasap habarlaıdy.
Dúnıejúzilik reıtıngte 170-orynda turǵan D.Popko alǵashqy aınalymda álemniń 88-inshi, osy dodanyń 2-raketkasy, amerıkalyq Sebastıan Kordamen kúsh synasty.
Qazaqstandyq tennısshi 6:4, 6:3 esebimen eki partııada jeńiske jetti. Báseke 1 saǵat 10 mınýtqa sozyldy. D.Popko shırek fınalǵa shyǵý úshin álemniń 187-raketkasy, latvııalyq Ernest Gýlbıs nemese reıtıngte 373-satydaǵy ıtalııalyq Raýl Brankachchıonyń bireýimen talasady.
Aıta keteıik, Italııadaǵy doda 21 aqpanda aıaqtalady.