Almaty ákimi B. Saǵyntaevtyń esep berý kezdesýi barysynda qoljetimdi turǵyn úımen qamtamasyz etý jónindegi baǵdarlamany iske asyrý týraly aıtyldy, dep habarlaıdy Egemen.kz.
2020 jyly qoljetimdi baspanamen qamtamasyz etý maqsatynda 2948 páter bólingen. Sonymen qatar 1 myń jas otbasy «Almaty jastary» baǵdarlamasy boıynsha jeńildetilgen nesıe arqyly baspanaǵa qol jetkizdi. Qala ákimi B. Saǵyntaevtyń tapsyrmasymen jumys isteıtin jas mamandar osy baǵdarlamaǵa alǵash ret qalada tirkeýsiz qatysa aldy.
Sonymen qatar, «Nurly jer» memlekettik baǵdarlamasy aıasynda jalpy aýdany 294,4 myń sharshy metr bolatyn 3902 páter paıdalanýǵa berildi, bul 2019 jylǵy kórsetkishten 2,5 ese kóp.
Aǵymdaǵy jyly memlekettik jáne qalalyq baǵdarlamalar aıasynda 8292 páter bólinedi. Onyń ishinde halyqtyń áleýmettik osal toptarynyń ókilderine – 427 páter, kóp balaly otbasylarǵa – 452, jumysshy jastarǵa-1050. Sondaı - aq «Shańyraq» baǵdarlamasy boıynsha 3578 páter, «Kredıttik baspana» boıynsha - 1411, «Baqytty otbasy» baǵdarlamasy boıynsha-374 páter bólinedi. «Almaty jastary» baǵdarlamasy jalǵasady, ol arqyly 1 myń jas almatylyq turǵyn úı ala alady.