Almaty oblysynyń prokýratýrasy eńbek zańnamasynyń saqtalýyn baqylaý jáne jumysshylardyń quqyqtaryn qorǵaý baǵytyndaǵy jumystardy jalǵastyryp jatyr. Jyl basynan beri óńirdegi eki uıymda qyzmetkerlerge jalaqy ýaqytynda tólenbegeni anyqtalǵan, dep habarlaıdy Egemen.kz.
Prokýratýranyń málimetinshe, qabyldanǵan sharalardyń nátıjesinde 1 626 jumyskerdiń quqyǵy qorǵalyp, jalpy kólemi 487 mıllıon teńge bolatyn jalaqy qaryzy tolyq óteldi.
Anyqtalǵan zańbuzýshylyqtardyń biri Eńbekshiqazaq aýdanyndaǵy «ALTYN ADAM» jekemenshik mektebinde tirkelgen. Bilim berý mekemesi uzaq ýaqyt boıy 134 muǵalimge jalaqy tólemegen. Jalpy bereshek kólemi 75,9 mıllıon teńgeni quraǵan.
Prokýrorlyq qadaǵalaý nátıjesinde kináli tulǵalar ákimshilik jaýapkershilikke tartylyp, eńbek ınspeksııasy zańbuzýshylyqtardy joıý týraly nusqama engizgen. Qazirgi ýaqytta qyzmetkerler aldyndaǵy jalaqy qaryzy tolyq ótelgen.
Prokýratýra deregine sáıkes, bıyl qabyldanǵan sharalardyń arqasynda jalpy 18 839 azamattyń quqyǵy qorǵalǵan.
Eske salaıyq, О́skemende tis emhanasynyń 53 qyzmetkerine eki aıdan beri jalaqy tólenbegen.
Ulttyq ekonomıka mınıstrligi toǵyz jyl ishinde azamattardyń jalaqysy 41 paıyzǵa óskenin málimdedi.