"Búgin qazaq televızııasy aýyr qaıǵyǵa dýshar boldy. Elimizdiń qurmetti jýrnalısti, belgili telejúrgizýshi, Qazaqstan Respýblıkasynyń eńbek sińirgen qaıratkeri Nurtileý Imanǵalıuly dúnıeden ozdy. Bul qaraly habar barshamyzǵa aýyr tıdi.
Nurtileý aǵamyz ózindik órnegimen, qaıtalanbas sheberligimen qalyń kórermenniń súıispenshiligine bólengen ardager jýrnalıst edi. Ol aqparat salasynda birqatar laýazymdy qyzmetterdi abyroımen atqarǵan maıtalman menedjer, kóptegen shákirt tárbıelegen ulaǵatty ustaz, tól jýrnalıstıkamyzdy damytýǵa ólsheýsiz úles qosqan tulǵa boldy. Nurtileý Imanǵalıulynyń isi qazaq televızııasynda odan ári jasaı bererine senimdimin.
Nurtileý aǵamyzdyń jaqyndary men týystaryna aýyr qaıǵylaryna ortaqtasyp, kóńil aıtamyn. Marqumnyń aldy peıish, arty kenish bolsyn", - dep jazdy Dáýren Abaev.