«Aýyl – el besigi», «Jumyspen qamtýdyń Jol kartasy» memlekettik baǵdarlamalary arqasynda óńirde jumyssyzdyq deńgeıi 4,9 paıyzdan asqan joq. Bul týraly búgin el aldynda bergen qorytyndy esebinde oblys ákimi Gúlshara Ábdiqalyqova habarlady.
О́tken jyly 20 myńnan astam jańa jumys orny ashylsa, onyń 15 myńnan astamy turaqty. Osy baǵdarlamalar aıasynda 2020 jyly turǵyn úı, jol jáne áleýmettik salalarda 44,3 mlrd teńgege 351 joba júzege asyryldy. Al, bıyl 12,8 mlrd teńge bolatyn 42 jobany iske asyrylmaq. Aıta keteıik, ótken jyly aımaq ekonomıkasynyń negizgi basym baǵyttaryn damytýǵa Prezıdent tapsyrmasymen qosymsha15,6 mlrd teńge qarjy bólindi. Qomaqty qarjyǵa mańyzdy 42 joba júzege asyryldy.
- О́tken jyly «Jumyspen qamtýdyń Jol kartasy» aıasynda 40,1 mlrd teńge qarjy qaralyp, 291 joba júzege asty. Bul pandemııa kezeńinde jańa jumys oryndaryn ashýǵa jáne halyqtyń áleýmettik turmysyn jaqsartýǵa múmkindik berdi. Qazirgi kúrdeli jaǵdaıda aldymyzda turǵan basty mindet – ekonomıkany damytý, ártaraptandyrý, jańa jumys oryndaryn ashý jáne halyqtyń ál-aýqatyn jaqsartý. Jańa jumys oryndaryn qurý – bizdiń basym baǵyttarymyzdyń biri, - dedi oblys ákimi.