Máńgilik mahabbat jyry

«Taptym... Ǵashyq boldym... Jo­ǵalt­tym...» – mahabbat pen ónerdiń máń­gi­lik jarastyǵynyń jemisi, sulýlyq jaı­ly serenada. Quıryqty juldyzdaı kel­te qaıyrylǵan qysqa ǵana ǵumyrynda óner­diń – sóz óneriniń syry men symba­tyn kemeline keltire jyrlaǵan qa­lamger­­­diń sahna álemine ornatqan ólmes eskertki­­shi, shyǵarmashylyq sharyqtaý shyńy.

Ystyqkólge demalýǵa kelgen Sýret­shi jaǵalaýdan óziniń qııalyndaǵy Sulýyn jolyqtyrady. Alaıda mahabbat bar jerde qarsylyqtyń da qatar júretin aksıomasy bul oqıǵadan da aınalyp ótpeıdi: Sulýdyń nekeli jary bar eken. Biraq súıgen jan úshin bul da kedergi bolmaıdy. Shynaıy ǵashyqtyq sezimniń jalynyna sharpylǵan Sýretshi Sulýyn ómir boıy qııalynda saqtaıdy. Máńgilik mahabba­­ttyń belgisi retinde ólmes týyndysyn ómir­ge ákeledi. Iаǵnı avtor ónerdiń shyńyn mahabbattan, shynaıy sezimnen izdeıdi. Rejısser de avtordyń aıtpaq oıyn dóp tanyǵan.

Máńgilik mahabbat taqyrybyn arqaý etken lırıkalyq spektakldegi júrek qylyn shertetin áýezdi mýzyka, utymdy tabylǵan rejısserlik sheshim, akterlik sheber oıyn kóp kóńilinde jattaldy. Qoıylymda basty róldi, ıaǵnı Sulý men Sýretshi beınesin Jastar teatrynyń talantty akterleri – Nazerke Serikbolova men Meıirǵat Amangeldın tamasha túr­lendiripti. Munda basy artyq sóz joq. Tek ásem qımyl men áýezdi mýzyka ǵana bar. Sahnada sulýlyq saltanat qurady.

Shymyldyq ashylǵan sáttegi aına­daı tolqyp jatqan kóldiń móldir kel­beti – ǵashyq jannyń dirilshil kóńi­li­niń kórinisindeı. Súıgen júrektiń kir­shiksiz peıilimen, taǵatsyz sezimimen jarasa da, jarysa da tolassyz tolqıdy. Qoıylymnyń tazalyǵy sondaı, qybyr etseń, osy bir móldir álemnen ajyrap qalatyndaı, sál daýysyńdy qat­ty shyǵarsań, ásemdikpen matalyp, sulý­lyqqa tumshalanǵan mynaý ap­paq dúnıeniń kúl-parshasy shyǵyp sha­ǵy­lardaı bir saǵat boıy demińizdi ishi­ńizge tartyp, aıalaı tamashalaısyz. Re­jıs­ser Nurqanat Jaqypbaı men sse­nograf Qabyl Haly­qov tandeminiń eń áýelgi utqan tusy da osy. Kóldiń tol­qyny men sezim tolqynyn ­sheber shen­destire alýynda. Sahnada jelkendi ke­meden ózge basy artyq qaraıǵan dú­nıe joq. Sýretker bar basymdyqty keńis­tikke bergeni birden baıqalady. Sol arqyly akterlerdiń ishki tynysyn ashyp, qııal keńistigine erkin boılatyp, psıhologııalyq paýzalarǵa ekpin túsir­gisi kelgen jáne ol uıǵarymy beıneli túrde óte sátti sheshilgen bizdińshe.

Jalpy, qoıylymnyń estetıkalyq, rýhanı qýaty myqty, kúrdeli psıho­lo­gııalyq sıtýasııalardy utymdy jet­kizedi. Rejısserdiń ózine ǵana tán qol­tańba­sy, lırıkalyq, romantıkalyq tabıǵaty alǵashqy kórinisten-aq daralanady. Biz tamashalaǵan «Taptym... Ǵashyq boldym... Joǵalttym...» mıýzıkliniń ón boıynda sulýlyq bar, tazalyq bar, sezim bar. Júrek tolqytatyn, sezimdi qozǵaıtyn tustary mol. Qoıylymdy beıtarap, beıqam otyryp tamashalaý múmkin emes. Kóńil pernelerine basyp, ómirge qaıta ǵashyq qylatyn sátteri kóp jáne eń bastysy, qoıylym turmystyq emes. Qarabaıyr sýretteý men qara­paıym sheshimder shymyldyqtyń artynda qalǵan da, saf sulý óner alǵashqy orynǵa shyqqan. Avtor da, rejısser de mahabbattyń mánin osydan izdeıdi. Bir saǵat boıy sezim syryn jyr etken qoıylymnyń máni de, Sulý men Sý­retshiniń arasyndaǵy mahabbat­tyń dánekeri de, bálkim, osy ǵana – óner­ge, sulýlyqqa degen ińkárlik...