Qaraǵandy oblysynyń TJD «Qazgıdromet» RMK fılıalymen birlesip Nura jáne Sherýbaı-Nura ózenderiniń joǵarǵy aǵysynda qardy qaıta ólsheý jumystaryn júrgizýde, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
Qar ólsheý marshrýttary boıynsha alǵashqy kezeń qańtar aıynda uıymdastyrylǵan. Onyń qorytyndysy boıynsha Nura ózenderiniń basseınderinde ylǵal qory normadan 23%-ǵa, Sherýbaı-Nura 23%-ǵa, Keńgir 49%-ǵa, Sarysý 14%-ǵa, Toqyraý 38%-ǵa tómen ekeni anyqtaldy.
Nura ózeniniń basseıninde topyraqtyń qatý tereńdigi baıqalady-63-tan 150 sm-ge deıin.
2021 jylǵy sý tasqyny kezeńine daıyndyq 2020 jyldyń jazynda bastaldy. Qaraǵandy oblysynyń 33 eldi mekeniniń aýmaǵynda 22 km-den astam qorǵaý bógetteri men dýaldary turǵyzyldy jáne nyǵaıtyldy, ózen arnalarynyń sý tasqyny qaýpi bar ýchaskelerin 12 km tereńdetý, jaǵalaýdy nyǵaıtý, tazalaý jáne keńeıtý júrgizildi, 9 km sý burý arnalary salyndy jáne jóndeldi, 65,5 km drenaj jáne sý burý júıeleri tazartyldy, 74 ýchaskedegi sý ótkizý qabileti joǵarylatyldy.
2015-2020 jyldar aralyǵynda oblysta barlyǵy 220 km qorǵanys bógenderi men bilikteri turǵyzylyp, nyǵaıtyldy, 173 eldi mekende 76 km ózen jaǵalaýlaryn nyǵaıtý, túbin tereńdetý, túzetý jáne keńeıtý oryndaldy.
2021 jyldyń qańtar aıynan bastap Samarqand jáne Yntymaq sý qoımalarynan sanıtarlyq aǵyzý jumystary júrgizilýde. Búgingi tańda aǵyzylatyn sýdyń kólemi sáıkesinshe 5 jáne 8 m3/sek quraıdy.
Aımaqtyń sý tasqyny qaýipti ýchaskelerinde ushýlar júrgizilýde.
2021 jyly Oblystyń halqyn, aýmaǵyn jáne sharýashylyq júrgizýshi sýbektilerin tasqyn sýdan qorǵaý jónindegi is-sharalar jospary ázirlendi. Josparda uıymdastyrýshylyq jáne praktıkalyq sharalardyń barlyq kesheni qarastyrylǵan.