Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti. Onda depýtattar «Qazaqstan Respýblıkasy men Koreıa Respýblıkasynyń arasyndaǵy sottalǵan adamdardy berý týraly shartty ratıfıkasııalaý týraly» zań jobasyn talqylady.
Zań jobasy sottalǵan adamdardy berýde yntymaqtastyqty jaqsartý maqsatynda ázirlendi, bul olarǵa bas bostandyǵynan aıyrý, qamaýda ustaý jáne bostandyqtan aıyrýdyń basqa da túrinde ózderi azamattary bolyp tabylatyn memlekette jazasyn óteýge múmkindik beredi.
Bas prokýratýranyń málimetteri boıynsha, qazirgi ýaqytta Koreıa Respýblıkasynda sottalǵan Qazaqstan azamattarynyń jalpy sany – 23.
«Shetelderdegi azamattardy qorǵaý – elimizdiń basty mindetteriniń biri. Sondyqtan shartty ratıfıkasııalaý sottalǵan adamdardyń azamattyq qoǵamǵa qaıta kirigýine yqpal etedi», dedi senator Sultanbek Mákejanov.
Otyrysta, sondaı-aq «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» zań jobasy da qaraldy. Zań jobasy azamattardyń bilikti zań kómegin alý quqyǵyn iske asyrý kepildikterin arttyrýǵa, advokatýra jáne zań konsýltanttary ınstıtýtyn odan ári damytýǵa, olardyń qyzmetin avtomattandyrýǵa jáne ońtaılandyrýǵa baǵyttalǵan.
Komıtet tóraǵasy Vladımır Volkovtyń aıtýynsha, zań jobasyn qabyldaý Qazaqstannyń barlyq aýmaǵynda advokattyq qyzmetti birkelki retteýge múmkindik beredi. Bul advokattar kórsetetin zań kómeginiń sapasyn arttyrýdy qamtamasyz etýge tıis.
Zań jobasy tujyrymdamalyq túrde birinshi oqylymda qaraldy.