Beınekonferensııa rejıminde Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi men Túrikmenstan Mınıstrler kabıneti Tóraǵasynyń orynbasary - Syrtqy ister mınıstri Rashıd Meredov deńgeıinde SIM-aralyq konsýltasııalar ótti, dep habarlaıdy Egemen.kz.
Taraptar ekijaqty yntymaqtastyqtyń, atap aıtqanda saýda-ekonomıkalyq, tranzıt-kóliktik jáne mádenı-gýmanıtarlyq salalardaǵy ózekti máselelerin talqylady. Joǵary jáne asa joǵary deńgeıdegi aldaǵy is-sharalar kestesi qarastyryldy.
О́ńirlik jáne halyqaralyq uıymdar aıasyndaǵy ózara is-qımyl jóninde pikir almasyldy. Ortalyq Azııa memleketteri basshylarynyń konsýltatıvtik kezdesýleri formatyndaǵy dıalogty damytýǵa erekshe nazar aýdaryldy.
Kelissózder qorytyndysy boıynsha taraptar Qazaqstan Respýblıkasynyń Syrtqy ister mınıstrligi men Túrikmenstan Syrtqy ister mınıstrligi arasyndaǵy 2021-2023 jyldarǵa arnalǵan yntymaqtastyq baǵdarlamasyna qol qoıdy.