18-aqpan kúni qarly boran kúsheıip, Qostanaı qar qursaýynda qaldy. Qoǵamdyq kólikter toqtap qalǵandyqtan, TJD qutqarýshylary qalany arnaıy tehnıkamen aralap, aıaldamalarda turǵan 600-den astam adamdy úılerine jetkizip tastady.
«Qutqarýshylar kómekke birinshi bolyp shyqty. Tótenshe jaǵdaı departamentiniń eki «KamAZ 4318» kóligi saǵat 18:00-den 23:00-ge deıin aıaldamalarda avtobýs kútip tońyp qalǵan qala turǵyndaryn tasymaldady», dep málimdedi TJD baspasóz qyzmeti. Borandy kúni qutqarýshylar 673 adamdy úılerine jetkizgen.