Tel-Avıvte dzıýdodan álemdik Grand Slam jarysynyń ekinshi kúni bastaldy. Qazaqstandyq dzıýdoshy Jansaı Smaǵulov jarysty jeńispen bastady, dep habarlaıdy Egemen.kz Olympic.kz saıtyna silteme jasap.
73 kelide tatamıge shyqqan otandasymyzdyń alǵashqy qarsylasy fransııalyq Gýllam Cheın boldy. Smaǵulov ádis jasap, qarsylasyn ýaqytynan buryn "ıppon" upaıymen taza jeńdi. Onyń kelesi qarsylasy moldovııalyq balýan Pter Pelıvan bolmaq.
Aıta keterligi, áıelder arasynda 70 kelide synǵa túsken Zere Bektasqyzy alǵashqy aınalymda-aq ırlandııalyq qarsylasyna jol berdi. Sonymen qatar, erler arasynda 81 kelide beldesken Mádı Amangeldi de qarsylasyna ese jiberip, jarystan shyqty.