AQSh-ta aýa raıynyń kúrt nasharlaýynan Tehas aımaǵy birshama zardap shegip otyr, dep habarlaıdy Egemen.kz
Búginde tehastyqtar azyq-túlik alý úshin uzyn sonar kezekte turady. Jergilikti aqparat kózderi habarlaǵandaı, aýa raıynyń kúrt sýytýynan jáne qalyń qardyń áserinen 7 mln-ǵa jýyq adam tushy sýǵa zárý bolyp otyr. Nege deseńiz, úılerde qubyrlar jarylyp, kóshelerde bári qatyp qalǵan.
О́kinishke qaraı, shtat boıynsha 37 adamnyń birazy úsikten, endi biri jylyný kezinde kómirtegi totyǵymen ýlanyp qaıtys bolǵan.
Osyǵan baılanysty AQSh prezıdenti Djo Baıden Tehasta tótenshe jaǵdaı jarııalady.Qatty aıaz ben muzdanýdan jylý men elektr stansalary isten shyqqan. Eki mıllıonǵa jýyq turǵyn elektr qýaty men jylýsyz otyr. Basym kópshiligi kólikterinde túnep júr.
Hıýston qalasynyń meri Sılvestr Terner óziniń Twitter paraqshasynda aýrýhana qyzmetkerleri men shtattyń basqa turǵyndary qajet sýdy únemdeýdi surady.