Soltústik Qazaqstan oblysynda kóz ashyrmaıtyn qatty borannyń saldarynan polısııanyń kúshi júrgizýshilerge kómektesýge jumyldyryldy, dep habarlaıdy Egemen.kz.
18 aqpan kúni saǵat 19.00-den bastap oblysta barlyq baǵyttaǵy joldar jabyldy. Mamlıýt aýdanynda Qorǵan-Petropavl jolynda 70-ten astam júk kóligi men jeńil avtomobılder jınaldy. Aýdan ákimi Vladıslav Lýkın, aýdandyq polısııa jáne tótenshe jaǵdaı bólimderiniń basshylyǵy jaǵdaıdy sol jerde baǵalap, kolonna qurýdy sheshti. Joldy «Qazaqavtodor» JShS-niń qar tazalaıtyn mashınasy tazalap otyrdy, al ony jarqyldaýyq maıagi qosylǵan patrýldik mashınalar alyp júrdi. Barlyq avtokólik aman-esen Petropavlǵa jetti.
Tótenshe jaǵdaılar departamenti jáne jol uıymdarymen birge qar qursaýynan 94 adam qutqaryldy, onyń 9-y bala, 34 tehnıka evakýasııalandy. Sonymen qatar, joldardaǵy buzýshylyqtardy anyqtaý boıynsha qarqyndy jumys jalǵasty.