Aýyl arasynda keıde jol tártibin óreskel buzýshylyq kezdesip qalady. Jýyrda SQO Esil aýdanynda polısııa «Qaýipsiz jol» jedel-profılaktıkalyq is-sharasyn júrgizý barysynda otyn ákele jatqan «Ýral» júk kóligin toqtatqan. Tekserý kezinde onyń nómirlik belgileri basqa kólikke tirkelgeni, al rólde otyrǵan Qyzyljar aýdanynyń 33 jastaǵy turǵynynda kólik júrgizý quqynyń bolmaǵany anyqtaldy. Ol 2014 jyly júrgizýshi kýáliginen 6 jylǵa aıyrylǵan. Aıyrý merzimi ótse de, ol júrgizý quqyǵyn qalpyna keltirmegen. Al nómirdi kásiporyndaǵy basqa mashınanykin baıqamaı alyp ketippin dep túsindirgen.
Júk kóliginiń ıesi Qyzyljar aýdanynyń 59 jastaǵy turǵyny júrgizýshi kýáligi joq adamnyń júrgizýine senip tapsyrǵany úshin jaýapkershilikke tartylady. Júk kóligi arnaıy turaqqa qoıyldy.
Jalpy is-shara barysynda oblys joldarynda 1591 túrli quqyq buzýshylyq, onyń ishinde 81-i jyldamdyqty asyrý, 62-si manevrleý qaǵıdalaryn buzý faktisi anyqtaldy. 17 júrgizýshi masań kúıde rólge otyrǵan faktiler anyqtalǵan.