Nur Otan partııasy Parlament Májilisiniń saılaýynan keıin bir aı ýaqyt ishinde óziniń saılaýaldy baǵdarlamasyn iske asyrý boıynsha Jol kartalaryn ázirledi.
Elbasy – partııa Tóraǵasy Nursultan Nazarbaevtyń tapsyrmasy aıasynda árbir óńirde, qala men aýdanda júıeli baqylaýdy qamtamasyz etý úshin naqty nysanaly ındıkatorlar men merzimder belgilenip, sondaı-aq oǵan jaýapty oryndaýshylar aıqyndaldy.
Sonymen, partııanyń ortalyq apparatynyń baspasóz qyzmeti bıyl elimizdiń soltústik óńirleriniń turǵyndary úshin qolǵa alynatyn jumystar týraly málimdedi.
Aqmola oblysynda aldaǵy 5 jylda 1948 kórsetkish pen 5175 is-sharany oryndaý kózdelgen. 2021 jyly Nur Otan partııasynyń saılaýaldy baǵdarlamasy 16,4%-ǵa, 2022 jyly – 38,3%-ǵa, 2023 jyly – 59,9%-ǵa, 2024 jyly – 80,3%-ǵa jáne 2025 jyly 100%-ǵa oryndalatyn bolady. Bıyldyń ózinde 27 medısınalyq nysannyń 14-i, 119 mekteptiń 37-si, 21 balabaqshanyń 5-eýi, 60 sport nysanynyń 22-si salynady. 5 jyl ishinde 3,4 mln sharshy metr turǵyn úı salynyp, 80 myńnan astam jumys orny ashylady jáne basqa ister atqarylady.
Qostanaı oblysynda 2215 kórsetkish pen 6491 is-sharany oryndaý josparlanǵan. 2021 jyly óńirlik saılaýaldy baǵdarlama 20,1%-ǵa, 2022 jyly – 40,1%-ǵa, 2023 jyly – 60%-ǵa, 2024 jyly – 79,9%-ǵa, al 2025 jyly tolyǵymen júzege asyrylady. Osy jyldyń sońyna deıin 2803 km avtojoldyń 480 shaqyrymy, 923 km sýmen jabdyqtaý qubyrynyń 160 shaqyrymy, 207,6 km gazben jabdyqtaýdyń 44,4 shaqyrymy salynyp, rekonstrýksııalanady. Jalpy, 80 myń jumys ornyn qurý, 42 jańa kásiporyn ashý jáne keńeıtý, 2,2 mln sharshy metr turǵyn úı salý josparlanǵan. Qostanaı qalasynda 1750 oryndyq stýdentterge arnalǵan 4 jataqhana salý, sondaı-aq turǵyn úı satyp alýǵa nesıe berý, kóterme járdemaqy berý jáne taǵy basqa arqyly «Dıplommen – aýylǵa!» baǵdarlamasy boıynsha 1500-den astam bilikti jas mamandy áleýmettik qoldaýmen qamtý josparlanýda.
Pavlodar oblysynda Jol kartasy aıasynda 2691 kórsetkish pen 1888 is-sharany oryndaý kózdelgen. 2021 jyly partııanyń saılaýaldy baǵdarlamasy 16%-ǵa, 2022 jyly – 34%-ǵa, 2023 jyly – 58%-ǵa, 2024 jyly – 73%-ǵa jáne 2025 jyly 100%-ǵa iske asyrylady. 2021 jyldyń ózinde 14 000 páterdiń 2 444-i, 3 medısınalyq nysan, jastarǵa arnalǵan bir jataqhana, 5 mekteptiń 2-eýi, 28 sport nysanynyń 5-eýi salynady. Sonymen qatar erekshe qajettilikteri bar adamdar úshin 364 nysannyń 161-i qaıta beıimdeledi. 5 jyl ishinde 69 myń jańa jumys ornymen qamtamasyz etý josparlanýda. Sondaı-aq Nur Otan partııasy jeńildetilgen nesıe berýdi, kelisimsharttyq qarjylandyrý tetigin, aýyl sharýashylyǵy ónimderin qaıta óńdeý boıynsha tehnıka, jabdyqtar lızıngin keńeıtý arqyly dıhandarǵa barynsha qoldaý kórsetýge nıetti. Egis alqaptaryn keńeıtý, kóterme-taratý ortalyqtaryn salý sııaqty taǵy da basqa ister kózdelip otyr.
Soltústik Qazaqstan oblysynda 2078 kórsetkish jáne 1134 is-shara bekitildi. 2021 jyly Nur Otan saılaýaldy baǵdarlamasy 21%-ǵa, 2022 jyly – 47%-ǵa, 2023 jyly – 74%-ǵa, 2024 jyly – 88%-ǵa jáne 2025 jyly 100%-ǵa oryndalatyn bolady. Osy jyly 2,7 myń km avtojoldyń 394 shaqyrymy, 489,7 km sýmen jabdyqtaýdyń 127 shaqyrymy, 80 km jylýmen jabdyqtaýdyń 17 shaqyrymy, 280,8 km sý tartýdyń 58,7 shaqyrymy salynyp, rekonstrýksııalanady.
2025 jylǵa deıin 65 myń jumys orny ashylyp, 8,9 myń páter, 11 medısınalyq nysan, 96 sport nysany, 2 mektep jáne jastarǵa arnalǵan 5 jataqhana salynady.
Baspasóz qyzmetiniń málimetinshe, buǵan deıin Májilistegi Nur Otan fraksııasynyń otyrysynda partııanyń «О́zgerister joly: ár azamatqa laıyqty ómir!» saılaýaldy baǵdarlamasyn júzege asyrý boıynsha respýblıkalyq Jol kartasy bekitilgen. Barlyq saılaýaldy ýádelermen nurotan.kz jáne nurotan2021.kz.saıttarynan tanysýǵa bolady.