23 aqpan kúni saǵat 14:00 shamasynda Qostanaı – Qarabutaq baǵytyndaǵy kúre joldyń boıyndaǵy Áıet ózeninen ótetin kópirdiń ústinde 5 avtokóliktiń qatysýymen jol-kólik oqıǵasy oryn aldy.
Qostanaı oblysy polısııa departamenti basshysynyń keńesshisi Elena Kasharınanyń aıtýynsha, JKO nátıjesinde «Leksýs» avtokóliginiń júrgizýshisi dene jaraqatyn alǵan.
«Áýeli «Folksvagen» avtokóligi men shaǵyn avtobýs soqtyǵysyp qalǵan. Jol apatyna túskenderdiń jaǵdaıyn bilmek bolyp taǵy bir shaǵyn avtobýs kelip toqtaǵanda, onyń artynan qytaılyq júk kóligi kelip soqqan. Keıin tórteýine «Leksýs» kelip soǵylady» - dedi E.Kasharına.
Oqıǵa ornynda polısııa qyzmetkerleri jumys istep jatyr. Tártip saqshylary jol apaty qarly borannyń saldarynan bolǵan deıdi.