Djokovıch taǵy da dara shyqty

Melbýrndegi týrnır karantın kezinde uıymdastyrylǵandyqtan, sportshylarǵa da, jarystyń basy-qasynda júrgenderge de qatań talap­tar qoıyldy. Máselen, jyl basynda ózge jarystarǵa qatys­qan 30-ǵa jýyq tennısshi Aýs­tralııa bıliginiń erejesi boıynsha 14 kúndik mindetti karantınge jat­qyzyldy. Uıymdastyrýshy tarap sportshylardy karantın ta­laptaryn qatań saqtaýǵa úgitte­genimen, dál týrnır bastalatyn kezde Melbýrndegi qonaqúı kú­zet­shileriniń birinen koronavırýs anyqtalyp, jarystyń ótý-ót­peýi másele retinde qoıyl­dy. Degen­men Australian Open basshy­lary qandaı jaǵdaı bolsa da, bir adam 500 adamǵa áse­rin tıgizbeýi kerek ekenin, Aýs­tralııa ashyq chempıonaty óz ýaqytynda uıymdastyrylatynyn aıtyp, jarysqa qatysýshylar men jankúıerlerdi sendirdi.

Djokovıchtiń qarqyny qatty

Aýstralııa ashyq chempıo­natynyń alty, «Úlken dýlyǵa» sanatyndaǵy jarystardyń 20 dúrkin jeńimpazy shveısarııalyq Rodjer Federer jaraqatyna baı­lanysty bul jarystan tys qal­ǵan soń, jankúıerler bıylǵy fı­nal Nadal men Djokovıch ara­syn­da ótedi dep boljaǵan bolatyn. Alaıda «qumdaýyt korttyń koroli» shırek fınalda grekııalyq Stefanos Sısıpasty eki sette jeńip turyp, kútpegen jerde 7:6, 6:4, 7:5 esebimen jeńilip qaldy.

Al Djokovıch bolsa, shırek fınalda álemniń jetinshi raketkasy germanııalyq Aleksandr Zverevti tórt sette 3:1 esebimen, jartylaı fınalda jarystyń debıýtanty bolsa da, erekshe oıynymen mamandar men jankúıerler kózine túse bilgen reseılik Aslan Karasevti 3:0 nátıjesimen esh qıyndyqsyz jeńdi. Fınalda serbııalyq sportshyny taǵy bir reseılik tennısshi, álemniń úshinshi raketasy – Danııl Medvedev kútip turǵan-dy. Biraq Medvedev te álemniń birinshi raketkasyna esh qarsylyq kórsete almady. Ras, alǵashqy sette Djo­kovıch biraz qıyndyqqa tap bolyp, tek taıbreıkte 7:5 esebimen ǵana basym tústi. Al qalǵan eki sette serbııalyq tennısshi asa qat­ty qınala qoıǵan joq – 6:2, 6:2. Sóıtip Novak Djokovıch qata­rynan úshinshi ret, jalpy toǵy­zynshy márte Aýstralııa ashyq chempıonatynda bas júldeni jeńip, rekord ornatty.

Bul – Djokovıchtiń «Úl­ken dýlyǵa» sanatyndaǵy jarys­tar­daǵy 18-shi jeńisi. Osylaısha, ol 20 ret jeńis tuǵyryna kóterilgen Rodjer Federer men Rafael Nadalǵa bir taban jaqyndaı tústi. Sonymen qatar Melbýrndegi fınalda Djokovıch iri jarystardaǵy 101-shi júldesin oljalady. Keıin­gi jyldary erekshe talantymen kózge túsip, mamandardyń ys­tyq yqylasyna bólenip kele jatqan reseılik tennısshi Da­nııl Medvedev bolashaq álem jul­dyzyna balanýda. О́tken maý­symnyń qorytyndy Masters báse­kesinde jeńis tuǵyryna kóte­rilgen ol jartylaı fınalda Djo­kovıchten aılasyn asyryp ketken bolatyn. Qazirgi tańda Medvedevtiń enshisinde Masters sanatyndaǵy 9 týrnırdiń bas júldesi bar. 25 jastaǵy sportshy búginge deıin eki márte «Úlken dýlyǵa» sanatyndaǵy týrnırdiń fınalynda óner kórsetip úlgerdi.

Dúnıe júzin dúrliktirgen pandemııanyń saldary ózge salalar sekildi, sportty da aınalyp ótken joq. Sol sebepti bıylǵy Australian Open dodasynyń júlde qory byltyrǵymen salystyrǵanda birshama azaıǵan. Týrnırde top jarǵan Novak Djokovıch Norman Brýks atyndaǵy kýbok pen 2 113 375 dollar kóleminde syıaqy aldy. Ol ótken jyly 4,12 mln dollar tabysqa kenelgen bola­tyn. Al fınalıst Danııl Med­vedev 1,5 mln dollarmen qanjyǵasyn maılady.

Osaka ozyp tur

 Áıelder arasyndaǵy Australian Open 2021 jarysynda Naomı Osaka úzdik atandy. 23 jastaǵy japon qyzy týrnır barysynda bekerge osy jarystyń favorıti sanalmaǵanyn dáleldedi. Aıtýly dodanyń birinshi kezeńinen bas­tap tek qana úzdiktermen kúsh synasqan Osaka aldymen álemniń 40-raketkasy reseılik Anastasııa Pavlıýchenkovany 6:1, 6:2, ekinshi kezeńde fransııalyq Karolın Garsııany (46) 6:2, 6:3, úshinshi aınalymda Týnıs ókili Ons Jaberdi (31) 6:3, 6:2 esebimen aıqyn jeńdi. Al 1/8 fı­nalda osy týrnırdiń byltyrǵy fınalısi ıspanııalyq Garbıne Mýgýrýsadan úsh sette (4:6, 6:4, 7:5) aılasyn asyrsa, shırek fınalda taıvandyq Shýveı Seni eki sette (6:2, 6:2) qapy qaldyrdy. Jartylaı fınalda osy týrnırdiń tórt dúrkin jeńimpazy, áıgili amerıkalyq tennısshi Serena Ýılıamsty eki sette (6:3, 6:4) tize búktirdi. Osyn­daı jarqyn jeńisinen keıin álem­dik tennıs jankúıerleri men sport mamandary japon qyzyna qarata «Áıelder tennısiniń jańa kóshbasshysy», «Jańa patshaıym», «Japon patshaıymy» degen jyly sózderin arnady.

Sóıtip byltyr álem­dik sportshylar ara­synda eń kóp tabys tapqan (37,4 mln AQSh dol­­lary) Osaka Aýs­tra­lııa ashyq chem­pıo­natynyń fı­nalynda taǵy bir AQSh óki­li Djen­nıfer Breı­dı­men bas júldeni sa­rapqa saldy. Bir-birine jaqsy ta­nys tennısshiler byltyrǵy US Open jarysynyń jartylaı fına­­lynan keıin taǵy da kortta kez­desti. AQSh ashyq chempıonatynda Breıdıdi qapy qaldyrǵan Osaka bul joly da aıanyp qalǵan joq. Eki setke sozylǵan fınaldyq match japonııalyq sportshynyń jeńisimen aıaqtaldy. Esep – 6:3, 6:4.

Osylaısha, Naomı Osaka «Úl­ken dýlyǵa» sanatyndaǵy ja­rystardyń fınalyna tórtinshi márte shyǵyp, sonyń barlyǵynda jeńis tuǵyrynan kórindi. Taǵy bir aıta keterligi, japonııalyq sportshy – keıingi bir jyl kóleminde jeńilistiń ne ekenin bilmeı kele jatqan sanaýly sportshylardyń biri. Ol byltyr 7 aqpanda Fede­rasııa kýbogy aıasyndaǵy jarys­ta ıspanııalyq Sare Sorrıbes-Tormoǵa ese jibergen bolatyn.

Úshinshi aınalym – sońǵy meje

Keıingi jyldary qazaq­stan­dyq tennısshiler Mel­­býrn­degi ja­rys­ta jıi boı kórsetip júrge­nimen, jan­kúıer­lerdiń kóńi­linen shy­ǵatyndaı nátı­­jege qol jetkize almaýda. Buǵan deıin jazǵanymyzdaı, bı­yl­ǵy Aýs­­tralııanyń ashyq birin­shili­gine qatysqan alty birdeı sport­shymyzdyń tek ekeýi ǵana úshinshi aınalymǵa jetse, keıbiri birinshi kezeńde súrindi. Jalpy, qazaqstandyq sportshylar úshin Australian Open týrnıri úshinshi kezeńnen keıin máresine jetetin sııaqty. О́ıtkeni ár jyldary osy dodada baq synaǵan Galına Voskoboeva (2009, 2012), Iаroslava Shvedova (2015), Zarına Dıas (2015, 2016, 2020, 2021), Iýlııa Pýtınseva (2016, 2020, 2021) jáne Elena Rybakına (2020) úshinshi aınalymnan árige bara almaı júr. Jerlesterimizdiń arasynda eń úzdik kórsetkish Mıhaıl Kýkýshkınge tıesili. 2012 jyly ol tórtinshi aınalymǵa deıin jetken edi. Al bıyl ekinshi kezeńde súrindi.