Indýstrııa jáne ınfraqurylymdyq damý mınıstri Italııa elshisimen jáne SDF group ókilderimen kezdesti.
Indýstrııa jáne ınfraqurylymdyq damý mınıstri Beıbit Atamqulov Italııa Respýblıkasynyń Qazaqstan Respýblıkasyndaǵy Tótenshe jáne О́kiletti Elshisi Paskýale D'Avınomen jáne Same Deutz-Fahr group (SDF group) kompanııasy ókilderimen kezdesti.
Italııa elshisi ıtalııalyq kásipkerlerdiń Qazaqstanǵa degen qyzyǵýshylyǵy jáne EAEO elderi naryqtaryna shyǵý múmkindigi artyp kele jatqany týraly habarlady.
Taraptar "AgromashHoldıng" AQ bazasynda Italııanyń "SDF group" transulttyq holdınginiń DEUTZ-FAHR aýyl sharýashylyǵy tehnıkasynyń álemdik brendiniń óndirisin ornalastyrý perspektıvalaryn talqylady.
Mınıstr Qazaqstannyń ónerkásiptik saıasaty qurastyrý óndirisi quramalaryn barynsha oqshaýlaýǵa jáne óndiristik kásiporyndardyń tıimdi bıznes-modelin qurýǵa baǵyttalǵanyn atap ótti.
Sonymen qatar, Beıbit Atamqulov Qazaqstandaǵy aýyl sharýashylyǵy tehnıkasy parkin jańartý josparlary týraly aıtty. Ol QR IIDM eldegi aýyl sharýashylyǵy tehnıkasynyń iri óndirýshisi "AgromashHoldıng" AQ-men arada yntymaqtastyq ornatýda SDF group-qa kómek kórsetýge daıyn ekenin atap ótti.