«Sergek» beınekameralary О́skemende qylmys pen jol kólik oqıǵalaryn edáýir tómendetti. Sondyqtan da, bul joba Semeı qalasynda da júzege asyrylmaq. Oǵan shamamen 4 mlrd teńgeden astam qarjy qarastyrylǵan.
– «Sergek» beınebaqylaý júıesi О́skemende tıimdiligin kórsetti. Naqty mysal keltirsek, byltyr oblys ortalyǵynda osy júıeniń kómegimen 7 myńnan astam ákimshilik quqyqbuzýshylyq anyqtalyp, 144 qylmystyq is ashyldy. Qylmys jasaý qoǵamdyq oryndardy 34 paıyzǵa, qala kóshelerinde 35 paıyzǵa, jol-kólik oqıǵalary 36 paıyzǵa tómendedi. Mine, osyndaı jaǵymdy kórsetkishter bar. Sondyqtan bul jobany bıyl Semeıde de iske asyramyz. Semeıge barlyǵy 1300 beınekamera ornatylady, - dedi oblys ákimi Danıal Ahmetov óziniń eseptik kezdesýinde.