TJM ahýaldyq ortalyǵynda Respýblıkalyq jedel shtab jumys iteıdi, oǵan «Qazaqavtojol» JShS jáne «QazAvtoJol»UK AQ qyzmetkerleri kirdi. Osyndaı shtabtar Aqmola, Qaraǵandy, SQO, Qostanaı, Pavlodar, Atyraý oblystary men Nur-Sultan qalasynda jumys isteıdi. Bul týraly KR TJM resmı ókili Talǵat Ýálı málimdedi, dep habarlaıdy Egemen.kz.
Qazirgi ýaqytta aýa raıynyń nasharlaýyna baılanysty (boran, qar, nashar kóriný, kóktaıǵaq) respýblıkalyq mańyzy bar avtojoldardyń 22 ýchaskesi jáne 9 óńirde 32 oblystyq mańyzy bar ýchaske jabyldy, bul Nur-Sultan qalasy, Aqmola, Almaty, Qaraǵandy, Qostanaı, Pavlodar, Soltústik Qazaqstan, Batys Qazaqstan, Túrkistan oblystary.
Beketterde Qostanaı, Pavlodar, Qaraǵandy oblystarynda barlyǵy 678 birlik avtokólik jáne 1083 adam tur.
Jabyq jol ýchaskelerinde halyqty evakýasııalaý úshin 473 jylytý pýnkti daıyn. Qazirgi ýaqytta Qostanaı, Pavlodar, Qaraǵandy oblystarynyń jylytý pýnktterinde 186 adam ornalastyryldy.
Nur-Sultan qalasynda, Aqmola, Almaty, Shyǵys-Qazaqstan, Qostanaı, Pavlodar oblystarynda TJM aýmaqtyq bólimshelerimen 23 birlik tehnıka shyǵarylyp, 90 adam qutqaryldy jáne 42 evakýasııalandy.
Shuǵyl jumystarǵa TJM, IIM, jol qyzmetteri, JAO barlyǵy 892 adam jáne 534 birlik tehnıka jumyldyryldy.
Halyqty eskertý maqsatynda aýa raıynyń nasharlaýy týraly 38 SMS-habarlamany taratý júzege asyryldy, «Dármen» mobıldik qosymshasy arqyly 42 habarlama jiberildi.
Ýaqytyly aqparattyq-psıhologııalyq kómek kórsetý úshin Respýblıkalyq jedel shtabta jáne óńirlerde (Nur-Sultan qalasy, Aqmola, BQO, Qostanaı jáne SQO) «Jedel baılanys jelisi» isteıdi.