Qurlyqtyq hokkeı lıgasynda (QHL) baq synaıtyn elordanyń «Barysy» turaqty birinshiliktiń sońǵy týr oıynyn syrt aıdynda «Avangard» klýbymen ótkizdi.
Ombyda ótken match 5:2 esebimen muzaıdyn ıeleriniń jeńisimen aıaqtaldy. Alǵashqy kezeńde eki klýb hokkeıshileri bir-bir shaıba soǵyp, úziliske teń nátıjemen shyqty. 3-mınýtta Kırıll Panıýkov esep ashsa, 16-mınýtta Ilıa Kovalchýk tarazy basyn teńestirdi. Ekinshi kezeń bastalǵan bette Sergeı Tolchınskıı «Avangardtyń» ekinshi shaıbasyn soqty. Al úshinshi kezeń basynda Darren Dıs mergendigimen kózge túsip, tablodaǵy kórsetkishti 2:2-ge jetkizdi. Ári qaraı jerlesterimizdiń aıdyn ıelerine shamasy kelmedi. 18 mınýtta qaqpamyzǵa jaýapsyz úsh shaıba soqqan Omby komandasy 5:2 nátıjesimen jeńiske jetti.
60 matchtan keıin 69 upaı jınaǵan «Barys» bıylǵy turaqty birinshilikti 6-orynmen aıaqtady. Sóıtip pleı-off kezeńinde týrnır kestesinde 3-orynǵa turaqtaǵan «Metallýrg» komandasymen baq synaıtyn boldy. Eki ujym arasyndaǵy alǵashqy eki oıyn 2 jáne 4 naýryzda Magnıtogorskide, keıingi eki match 6 jáne 8 naýryz kúnderi elordada ótedi.