Lısakov qalasynda tennıs ortalyǵy paıdalanýǵa beriledi. Jalpy aýdany 2 myń 16 sharshy metr sport nysanynyń jalpy quny - 312,9 mln teńge bolady.
Qurylysy aıaqtalýǵa jaqyn qalǵan jabyq tennıs kordyn búgin oblys ákimi Arhımed Muhambetov aralap kórip, merdiger kompanııanyń basshylarymen kezdesti. Aımaq basshysy odan keıin kenshiler qalasynda jańa salynyp jatqan «Alaqaı» sporttyq oıyn-saýyq saıabaǵyna bardy. Bul jobany iske asyrýǵa «Bıznestiń jol kartasy» jáne «Qarapaıym zattar ekonomıkasy» baǵdarlamalary aıasynda 150 mlnteńge mólsherinde qarjy bólingen. 1400 myń sharshy metrlik jerdi alyp jatqan jobanyń jalpy quny 430 mln teńge. Oblys ákimi Lısakov qalasynyń basshysyna qalada júzege asyrylyp jatqan jobalardyń sapasyn baqylaýda ustaýdy tapsyrdy.
Arhımed Muhambetov Lısakovtan qaıtar jolda Beıimbet Maılın aýdanyna at basyn tirep, burynǵy Tobyl kolledjiniń ǵımarattaryna bardy. «Kolledj bazasynda memlekettik tilde oqytatyn jalpy bilim beretin mektep ashý josparlanýda. Bul mektepke 130 oqýshy sııady» - dedi oblys ákimi.