Qazaqstan Respýblıkasy Konstıtýsııalyq Keńesiniń tóraǵasy, ál-Farabı atyndaǵy QazUÝ-dyń Túlekter qaýymdastyǵynyń prezıdenti, zań ǵylymdarynyń doktory, professor Qaırat Ábdirazaquly Mámı jáne Qazaqstan Respýblıkasy Tuńǵysh Prezıdenti Qorynyń Atqarýshy Dırektorynyń orynbasary Igor Ivanovıch Rogov ýnıversıtetke at basyn buryp, rektor Janseıit Túımebaevpen QazUÝ-dyń Túlekter kúnin uıymdastyrý jáne ótkizýge qatysty máselelerdi talqylady.
2021 jyly túlekter qaýymdastyǵy Túlekter kúnin 29 mamyrda oflaın rejıminde ótkizýdi josparlap otyr. Eldegi epıdemıologııalyq jaǵdaıǵa baılanysty fakýltetter men kafedralardaǵy kezdesýler ótken jyldaǵydaı – ZOOM platformasynda onlaın túrde júzege asady.
Kezdesý barysynda bıylǵy Túlekter kúni Qazaqstan Respýblıkasy Táýelsizdiginiń 30 jyldyǵyna arnalatyndyǵy kelisildi.
Ál-Farabı atyndaǵy QazUÝ túlekteriniń ortaq meıramy – Túlekter kúniniń daıyndyǵyn talqylaı otyryp, Qaırat Mámı «Ál-Farabı atyndaǵy QazUÝ-dyń Qazaqstan Respýblıkasynyń Táýelsizdigine qosqan úlesi» atty jınaq shyǵarýdy usyndy. Bul ıdeıany QazUÝ rektory J. Túımebaev jáne Túlekter qaýymdastyǵy prezıdıýmynyń múshesi, z.ǵ.d., professor Igor Rogov qoldady.
Kezdesý sońynda ataqty QazUÝ túlekteri ýnıversıtetke Qazaqstan Respýblıkasynyń Tuńǵysh Prezıdenti-Elbasy qory shyǵarǵan «Qazirgi zamanǵy qazaqstandyq memlekettiliktiń qalyptasýy men damýy» kitabyn syıǵa tartty.