Qostanaıda 4-5 naýryz aralyǵynda «Kóktem-2021» atty respýblıkalyq oqý-jattyǵý ótti. Sharanyń basty maqsaty – azamattyq qorǵanys júıesi kúshteri men tehnıkalyq quraldarynyń kóktemgi sý tasqyny kezeńine daıyndyǵyn pysyqtaý.
Oqý-jattyǵý barysynda oblystaǵy qutqarý qyzmetteriniń, qala-aýdan ákimdikteriniń aldaǵy sý tasqynyna daıyndyǵy tekserildi. О́ńirde eki kún ishinde jalpy sany 20 taktıkalyq arnaıy oqý-jattyǵý sharasy ótkizildi. Sondaı-aq, aryqtardy, sý ótkelderin, qubyrlardy tazalaý, eldi mekender aýmaǵynan qar shyǵarý jumystary júrgizildi. TJD málimetinshe, oblysta jyl basynan beri barlyǵy 600 myń tekshe metrden astam qar shyǵaryldy.
Oblysta sý tasqyny kezeńine 162 tonna JJM, 9 myń tonnadan astam ınertti materıal, 53 myń qap daıyndalyp, tótenshe-jaǵdaıda qalǵan eldi mekenderge azyq-túlik jetkizý jóninde nıet-sharttar jasaldy. Qajet bolǵan jaǵdaıda evakýasııalanǵan turǵyndar ornalasatyn jaılar, úı janýarlaryn aıdap aparatyn oryndar anyqtaldy.
Aımaqta kóktemgi sý tasqynyna qarsy kúres sharalaryn júzege asyratyn 1085 tehnıkasy, 116 qaıyǵy, 365 sý sorǵysy, 269 motopompasy bar jalpy sany 2 960 adamnan turatyn arnaıy top jasaqtaldy.
Aldaǵy ýaqytta oblystyń 7 aýdanyndaǵy sý aıdyndarynda muz jarý jumystaryn júrgizý josparlanǵan. TJD mamandary kún saıyn ǵaryshtyq túsirilimderge monıtorıng júrgizip otyrady.
Qostanaı oblysy